Bu gün Misli Premyer Liqasında XXVII tura start verilib.
Günün ilk oyunu Sumqayıtda keçirilib. Şəhərin eyniadlı komandası lider "Qarabağ"ı qəbul edib. Rəqibi ilə son 7 oyunda qələbə qazanan Ağdam klubu uğurlu seriyanı bu görüşdə də davam etdirib. "Qarabağ" 6 cavabsız qolla qələbə qazanıb.
Günün ikinci matçında "Sabah" "Zirə"nin qonağı olub. Rəqibi ilə son üç oyunda qalib gələn "Sabah" yenə meydandan 3 xalla ayrılıb.
Qeyd edək ki, XXVII turun "Səbail" - "Turan Tovuz" və "Neftçi" - "Kəpəz" oyunları martın 16-da, "Qəbələ" - "Şamaxı" görüşü isə martın 17-də keçiriləcək.
Misli Premyer Liqası
XXVII tur
“Sumqayıt” – “Qarabağ” - 0:6
Qollar: L.Andrade, 7; 49. M.Qurbanlı, 12; 45+2. A.Zubir, 21. S.Abdullazadə, 88 (avtoqol)
Hakimlər: Cavid Cəlilov, Müslüm Əliyev, Rəhman İmami, Nicat İsmayıllı
Hakim-inspektor: Munis Abdullayev
AFFA nümayəndəsi: Elgiz Abbasov
“Kapital Bank Arena”
“Zirə” – “Sabah” - 0:2
Qollar: D.Volkov, 52. C.L.Mikels, 62.
Hakimlər: Fərid Hacıyev, Cavanşir Yusifov, Vüsal Məmmədov, Səbuhi Bayramov
Hakim-inspektor: Əmrah İbrahimov
AFFA nümayəndəsi: Seymur Səlimli
Zirə İdman Kompleksinin stadionu