Misli Premyer Liqasında XXVII tur davam edir. Bu gün daha iki oyun keçirilib.
Günün ilk qarşılaşmasında autsayder “Səbail” doğma meydanda “Turan Tovuz”la üz-üzə gəlib. Bu mövsüm daha öncə qarşılaşan komandaların hər iki görüşündə paytaxt təmsilçisi qələbə qazanmamışdı. İlk dövrədə qalib gələn Tovuz klubu ikinci dövrədə heç-heçə etmişdi. Bugünkü dueldə də bərabərlik qeydə alınıb.
Digər görüşdə “Neftçi” “Kəpəz”i sınağa çəkib. Rəqibi ilə son 5 matçda qələbə qazanan "ağ-qaralar" bu dəfə Gəncə klubunun müqavimətini qıra bilməyib. Matç 2:2 hesabı ilə yekunlaşıb.
Qeyd edək ki, ilk oyun günündə "Qarabağ" səfərdə "Sumqayıt"ı 6:0, "Sabah" isə "Zirə"ni 2:0 hesabı ilə məğlub edib. Tura martın 17-də keçiriləcək "Qəbələ" - "Şamaxı" görüşü ilə yekun vurulacaq.
Misli Premyer Liqası, XXVII tur
16 mart (cümə axşamı)
“Səbail” – “Turan Tovuz” - 1:1
Qollar: D.Qomis, 28 - T.Vəlizadə, 45.
Hakimlər: Əliyar Ağayev, Zeynal Zeynalov, Akif Əmirəli, Rəvan Həmzəzadə
Hakim-inspektor: Feyzulla Feyzullayev
AFFA nümayəndəsi: Asif Əliyev
“ASCO Arena”
“Neftçi” – “Kəpəz” - 2:2
Qollar: E.Mahmudov, 65. E.İsrafilov, 71 – Y.Nəbiyev, 57. S.Sisse, 73.
Hakimlər: Elçin Məsiyev, Namiq Hüseynov, Elşad Abdullayev, Rövşən Rəcəbov
Hakim-inspektor: Zöhrab Qədiyev
AFFA nümayəndəsi: Eldəniz Musayev
“Bakcell Arena”
