Azərbaycan Basketbol Liqasında final seriyasının üçüncü oyunu keçirilib.
“Sabah” və “Gəncə” komandaları Sərhədçi İdman Mərkəzində üz-üzə gəliblər.
"CBC Sport"la canlı yayımlanan matçda rəqibini 93:90 hesabı ilə üstələyən paytaxt təmsilçisi seriyada önə keçib - 2:1.
Çempion üç qələbənin nəticəsinə əsasən müəyyənləşəcək. Tərəflər arasında növbəti oyun mayın 26-da keçiriləcək.
Qeyd edək ki, daha əvvəl NTD “AAAF Xırdalan”ı məğlub edərək bürünc medala sahib çıxıb.