UEFA Çempionlar Liqasında I təsnifat mərhələsinin cavab oyunları keçirilib. Ölkəmizi bu turnirdə təmsil edən “Qarabağ” Cəbəllütariqin “Linkoln” klubu ilə qarşılaşıb.
Səfərdəki ilk görüşdə 2:1 hesablı qələbə qazanan Ağdam klubu bu dəfə rəqibini 4 cavabsız qolla məyus edib.
Darmadağınla II təsnifat mərhələsinə yüksələn “Qarabağ” burada Polşa çempionu “Rakuv”a rəqib olub. İlk oyun iyulun 26-da Polşada olacaq.
UEFA Çempionlar Liqası
I təsnifat mərhələsi, cavab oyunu
19 iyul
“Qarabağ” – “Linkoln” (Cəbəllütariq) - 4:0
Qollar: Abdullah Zubir, 7; Bəhlul Mustafazadə, 45+2; Redon Cica, 50; Marko Yankoviç, 62
Baş hakim: Eldorjan Hamiti (Albaniya)
Bakı Olimpiya Stadionu
