"Neftçi"nin bu gün Türkiyədə "Beşiktaş"a qarşı keçirəcəyi UEFA Avropa Konfrans Liqasının III təsnifat mərhələsinin cavab oyununun başlanma saatı dəyişdirilib.
Qarşılaşma əvvəlcədən nəzərdə tutulduğu kimi Bakı vaxtı ilə saat 21:00-da yox, 22:00-da start götürəcək.
UEFA-nın yanlışlığı səbəbindən oyunun başlanma saatı əvvəlcədən Bakı vaxtı ilə 21:00 göstərilmişdi. Yalnız ötən gün "Beşiktaş" tərəfinin qitə futbol qurumuna müraciətindən sonra başlanma saatına düzəliş edilib.
Bakı vaxtı ilə 22:00-da start götürəcək matç "CBC Sport"la canlı yayımlanacaq.
