Minifutbol üzrə Azərbaycan millisinin heyəti açıqlanıb.
Baş məşqçi Elşad Quliyev Avropa çempionatının hazırlığına 20 futbolçu dəvət edib.
Millimiz aprelin 24-dən mayın 2-dək Monteneqroda təlim-məşq toplanışı keçəcək. Məşqlərdə “Zirə”dən 10, “Birbaşa Bakı”dan 7, “Aznur”dan 2 və “Odlar Yurdun”dan 1 futbolçu iştirak edəcək.
Yığmanın heyəti:
Qapıçılar: Davud Kərimi (“Zirə”), Ağaseyid Qasımov (“Zirə”), Vəli Qafarov (“Birbaşa Bakı”);
Müdafiəçilər: Müseyyib Vəliyev (“Birbaşa Bakı”), Vüsal İsayev (“Birbaşa Bakı”), Təmkin Xəlilzadə (“Birbaşa Bakı”), Taleh Babayev (“Zirə”), Ramiz Çovdarov (“Zirə”), Elşad Manafov (“Zirə”);
Yarımmüdafiəçilər: Elvin Əlizadə (“Birbaşa Bakı”), Məhəmməd Xəlilov (“Zirə”), Rəvan Kərimov (“Zirə”), Mirkamil Əliyev (“Zirə”), Kamran Qürbətov (“Aznur”), Təmraz Əmircanov (“Aznur”);
Hücumçular: Eşqin Tağıyev (“Birbaşa Bakı”), Samir Həmzəyev (“Zirə”), Bəxtiyar Soltanov (“Odlar Yurdu”), Seymur Məmmədov (“Zirə”), Mirmehdi Rzayev (“Birbaşa Bakı”);
Qeyd edək ki, yığmamız aprelin 30-da Serbiya, Rumıniya, Monteneqro, Albaniya və Bosniya Herseqovina millilərinin də qatıldığı turnirdə iştirak edəcək. Komandamız Avropa çempionatında isə F qrupunda Fransa, İtaliya və Avstriyaya qarşı mübarizə aparacaq.