"Mançester Siti" "Real Madrid"i qəbul edib. Oyunun əsas vaxtı 1:1 hesabı ilə başa çatıb. Komandalar arasında ilk görüşdə 3:3 hesabı qeydə alındığından əlavə vaxt oynanılıb. Burada da hesab dəyişməyib və penaltilər seriyasında "Real" daha dəqiq olaraq (4:3) yarımfinala yüksəlib. "Real Madrid"in ukraynalı qapıçısı Andrey Lunin 2 penaltini dəf edib.
"Arsenal" isə "Bayern Münhen"in qonağı olub. Sözügedən komandalar 1-ci oyunda 2:2 hesablı heç-heçə etmişdilər. Bu görüşdə isə Almaniya klubu 1:0 hesablı qələbə qazanaraq yarımfinala adlayıb.
Qeyd edək ki, final uğrunda oyunda "Real Madrid" "Bayern Münhen" ilə, PSJ isə "Borussiya Dortmund" ilə üz-üzə gələcək.
17 aprel
23:00. "Mançester Siti" - "Real Madrid" - 1:1 (Penaltilər - 3:4 )
Qollar: Rodriqo, 12 (0:1), De Brüyne, 76 (1:1)
İlk oyun - 3:3
23:00. "Bayern Münhen" - "Arsenal" - 1:0
Qol: Kimmix, 63
İlk oyun - 2:2