Xorvatiyanın paytaxtı Zaqrebdə keçirilən cüdo üzrə Avropa çempionatı davam edir.
Yarışın üçüncü günündə Azərbaycan millisinin 3 cüdoçusu tatamiyə çıxacaq.
Onlardan ikisi 90 kq, biri 100 kq çəkidə mübarizə aparacaq.
Kişilər
90 kq
Murad Fətiyev ilk görüşündə Yamal Petqrave (Böyük Britaniya) ilə qarşılaşacaq.
Elcan Hacıyev isə Kornelyus Eylertsen (Norveç) - Yosip Buliç (Xorvatiya) görüşünün qalibi ilə üz-üzə gələcək.
100 kq
Zelim Kotsoyevin ilk rəqibi Adnan Xankan (BCF Qaçqınlar Komandası) olacaq.
Qeyd edək ki, çempionatın ilk iki günündə Azərbaycan cüdoçuları iki medal qazanıblar. Hidayət Heydərov (73 kq) 4-cü dəfə Avropa çempionu olub, Balabəy Ağayev (60 kq) gümüş mükafata yiyələnib.