Bu gün Misli Premyer Liqasında sonuncu - 36-cı tur start götürəcək.
İlk gündə 3 matç keçiriləcək. Bununla da həm 2-ci yerin sahibi, həm də 2024/25 mövsümündə Azərbaycanı avrokuboklarda təmsil edəcək bütün komandaların adına aydınlıq gələcək.
Hazırda turnir cədvəlində "Neftçi" 56 xalla 2-ci, "Zirə" 55 xalla 3-cü, eyni xalı olan "Sabah" 4-cü, "Sumqayıt" isə 54 xalla 5-cidir.
Bu gün "Zirə" "Səbail"lə, "Sumqayıt" "Qəbələ" ilə, "Neftçi isə "Sabah"la qarşılaşacaq. Matçların nəticələrindən asılı olaraq sözügedən 4 komandadan biri avrokuboklardan kənarda qalacaq.
25 may (şənbə)
19:00. “Zirə” – “Səbail”
Zirə İdman Kompleksinin stadionu
19:00. “Neftçi” – “Sabah”
“Neftçi Arena”
19:00. “Sumqayıt” – “Qəbələ”
Mehdi Hüseynzadə adına Sumqayıt şəhər stadionu
26 may (bazar)
17:00. “Turan Tovuz” – “Kəpəz”
Tovuz şəhər stadionu
19:30. “Araz-Naxçıvan” – “Qarabağ”
“Azersun Arena”